በኮቪድ-19 ምክንያት በጠና ታምመው የከፍተኛ ህክምና ክትትል እየተደረገላቸው ያሉ ሰዎች ቁጥር ባለፉት ሦስት ሣምንታት ውስጥ ከ36 ወደ 70 መሻቀቡን የጤና ሚኒስቴር አስታወቀ ።
የሰዉ መዘናጋትና ቫይረሱ ጠፍቷል በሚል የተሳሳተ አስተሳሰብ ምክንያት አለመጠንቀቅ ለኮሮናቫይረስ ሥርጭት በእጥፍ ማሻቀብ ምክንያት መሆኑን ሚኒስቴሩ ገልጿል።
የኮሮናቫይረስ መዛመት ላለፉት ወራት ቀንሶ እንደነበረና ከስድስት ሣምንታት ወዲህ ግን በኮቪድ-19 የሚታመሙ ሰዎች ቁጥር እየጨመረ መምጣቱን የጤና ሚኒስቴር ገልጿል።
በተለይ ከሦስት ሣምንታት ወዲህ ለቫይረሱ የሚጋለጠው ሰው ቁጥር ማሻቀቡንና በፅኑ የታመሙ ሰዎች ቁጥርም በእጥፍ መጨመሩን የሚኒስቴሩ የኮምዩኒኬሽንስ ዳይሬክተር ዶክተር ተገኔ ረጋሳ ተናግረዋል ።
