የተመድ ዋና ጸሃፊ ኒጀር ገቡ

የተባበሩት መንግሥታት ድርጅት ዋና ጸሃፊ አንቶኒዮ ጉተሬዥ በሦስት የምዕራብ አፍሪካ አገሮች የሚያደርጉትን ጉብኝት በመቀጠል ትናንት ረፋዱ ላይ ኒጀር ገብተዋል፡፡

ዋና ጸሃፊው በኒጀር ከፕሬዚዳንት መሃመድ ባዙም ጋር የተነጋገሩ ሲሆን በአገሪቱ የተንሰራፋው ሽብርተኝነት ለመዋጋት ተጨማሪ የዓለም አቀፍ ድጋፍ ጠይቀዋል፡፡

ዋና ጸሃፊ አንቶኒዮ ጉተሬዥ ባላፈው እሁድ ከሴኔጋል ፕሬዚዳንት ማኪ ሳል ጋር፣ በዳካር ተገናኝተው ተነጋግረዋል፡፡

በወቅቱም ባደረጉት ጥሪ ወታደራዊ መፈንቅለ መንግሥት በተካሄደባቸው፣ በቡርኪና ፋሶ፣ ጊኒና ማሊ የሚገኙ አምባገነን መሪዎች ሥልጣንን ለሲቪሎች በአስቸኳይ እንዲያስረክቡ ማሳሳባቸው ይታወሳል፡፡