የዩናይትድ ስቴትስ የበሽታ መከላከል እና መቆጣጠር ማዕከል ሲዲሲ የኮቪድ 19 ክትባቶች ባልወሰዱ የዩናይትድ ስቴትስ ከተሞች በሆስፒታሎች ከፍተኛ የሆነ የሕሙማን ቁጥር እየተመዘገበ ይገኛል ሲል አስታወቀ፡፡ ፕሬዘዳንት ጆ ባይደን ባለፈው ሳምንት ላይ ሰዎችን እያሳመኑ ለማስከተብ የማኅበረሰብ ቅስቀሳ ያስፈልጋል ብለዋል፡፡
ፕሬዘዳንት ጆ ባይደን
“ከማኅበረሰብ ወደ ማኅበረሰብ ከጎረቤት ጎረቤት ከአንዱ በር ወደ ሌላው በር የእያንዳንዱን ደጃፍ እያንኳኳን ሰዎች ከቫይረሱ እንዲጠበቁ እና እና እርዳታ እንዲያገኙ ማድረግ አለብን፡፡”
የዩናይትድ ስቴትስ የበሽታ መከላከል እና መቆጣጠር ማዕከል ሲዲሲ በመጪው ዓመት ትምህርት ቤቶች ሁሉ ክፍት እንዲሆኑ እና ተማሪዎችም ሙሉ ለሙሉ ወደ ትምህርቤቶች እንዲመለሱ ፈቅዷል፡፡ ይሁንና ተማሪዎችም ሆኑ አስተማሪዎች ሙሉ ለሙሉ ቢከተቡም የአፍና የአፍንጫ መሽፈኛ ማድረጋቸው ግን ፖለቲካዊ ጉዳይ ሆኗል፡፡ ሪፐብሊካን ግዛቶች የሆኑት አርካንሳ እና ቴክሳስ ተማሪዎች የአፍ እና የአፍንጫ መሸፈኛ ማድረግ የለባቸው ያሉ ሲሆነ እንደካሊፎኒያ ያሉ ዴሞክራቲክ ግዛቶች ደግሞ ሁልጊዜም አካላዊ መራራቅን መተግበሩ አስቸጋሪ በመሆኑ የአፍና የአፍንጫ መሸፈኛ ማጥለቁ አስፈላጊ ነው ብለዋል፡፡