የነፃነት ደወል ያስተጋባ - ሃምሣ ዓመት ተከበረ

ዋሺንግተን ዲ.ሲ. — 






የዩናይትድ ስቴትስ የመጀመሪያው ጥቁር ፕሬዚዳንት ባራክ ኦባማ ከሲቪል መብቶች ትግል ፋና ወጊዎችና አራማጆች ጋር ዛሬ ዋሽንግተን ዲሲ አደባባይ ላይ ለክብረ በዓል ወጥተው ዋሉ፡፡

ዕለቱ፣ ነሐሴ 22/1963 ዓ.ም የዋሽንግተን ሰልፍ እየተባለ የሚጠራው በመብቶች ታጋዩ ማርቲን ሉተር ኪንግ ዳግማዊ የተመራው የሥራና የነፃነት ሰልፍ የተካሄደበት ነው፡፡

በዚያ ልክ ዛሬ ሃምሣ ዓመቱን በደፈነው ሰልፍ ላይ ከሁለት መቶ ሃምሣ ሺህ በላይ ሰው ተገኝቶ ነበር፡፡

ፕሬዚዳንት ባራክ ኦባማ ያኔ ማርቲን ሉተር ኪንግ ቆመው “ይታየኛል” (አይ ሃቭ ኧ ድሪም) ንግግራቸውን ያደረጉበት ቦታ ላይ ቆመው ለመታሰቢያው ያዘጋጁትን ንግግር አድርገዋል፡፡

“ኪንግ ለሚሊዮኖች ድምፅ አልባ ተስፋዎች እጅግ የገነነ ድምፅ ሆኑ” ሲሉ በሥፍራው ለታደሙ በሺሆች የሚቆጠሩ የሁሉም ቀለሞች ሰዎች መልዕክታቸውን አስተላልፈዋል፡፡

ለዛሬው ዕለት ያበቁን ያሏቸውን “ያልተፈከረላቸው ጀግኖች”ም ከፍ አድርገው አሞግሰዋል፡፡

በዛሬው ሥነ-ሥርዓት ላይ የቀድሞዎቹ ፕሬዚዳንቶች ጂሚ ካርተር እና ቢል ክሊንተን፣ እንዲሁም የዶ/ር ኪንግ ልጆችና ቤተሰቦች ተገኝተው ንግግር አድርገዋል፡፡

የልጃቸው ልጅም በሊንከን ማታሰቢያ ላይ የቆመውን “የነፃነት ደወል” ደውላለች፡፡

ለዝርዝሩ የተያያዘውን የድምፅ ፋይል ያዳምጡ፡፡