የአሜሪካ ድምፅ ለጠቅላይ ሚኒስትሩ ጉብኝት ሽፋኑን የሰጠው በዓለም ዙሪያ በሚሠራባቸው አርባ አምስት ቋንቋዎች፣ በራዲዮና በቴሌቪዥን የቀጥታና ተከታታይ ሥርጭቶች፣ እንዲሁም በዌብ ሳይቶቹና በማኅበራዊ መገናኛ አውታሮቹ ነው።
የአሜሪካ ድምፅ የተለያዩ ዝግጅት ክፍሎች ሪፖርተሮቹንና ቴክኒሻኖቹን አሠማርቶ ከተጓዙባቸው አካባቢዎችና ካደረጓቸው ስብሰባዎች ካስተላለፋቸው ዘገባዎቹ በተጨማሪ ከኢትዮጵያ ብሮድካስቲንግ ኮርፖሬሽን ጋር በመተባበር በዘረጋው የሣተላይት ግንኙነት የጠቅላይ ሚኒስትሩ የዋሺንግተን ዲሲ ንግግር በዓለም ዙሪያ ላሉ ተመልካቾች በጥራት እንዲደርስ አድርጓል።
የአሜሪካ ድምፅ ጠቅላይ ሚኒስትሩ ወደ አሜሪካ ጉዞ ከመጀመራቸው ከሣምንታት በፊት በሰጠው በዚህ ተከታታይና የቅርብ ዘገባ በዓለም ዙሪያ ያሉ ተመልካቾችና አድማጮቹ ስለ ኢትዮጵያ የወቅቱ ሁኔታ የቅርብ ክትትል እንዲኖራቸው አድርጓል።
የአሜሪካ ድምፅ በሣምንት ከ230 ሚሊየን በላይ ተመልካችና አድማጭ በዓለም ዙሪያ ያለው እጅግ ግዙፍ የሚድያ ተቋም ነው።
በጠቅላይ ሚኒስትሩ የዩናይትድ ስቴትስ ቆይታ ላይ እየተዘጋጀ ያለው ዘጋቢ ቪድዮ በቅርቡ ይወጣል። ለናሙና ከዚህ ጋር የተያያዘውን የዘጠና ሰከንዶች የቪድዮ ቅንብር ይመልከቱ።
ጠቅላይ ሚኒስትር አብይ አሕመድ በመስከረም 2011 ዓ.ም አጋማሽ በተባበሩት መንግሥታት ድርጅት 73ኛ ጠቅላላ ጉባዔ ላይ ተገኝተው የሚያደርጉትን ንግግር ቪኦኤ ሙሉ በሙሉ ያስተላልፋል፤ የቅርብ ዘገባዎችንም ይሰጣል። ከአሜሪካ ድምፅ ጋር ይቆዩ።
የፌስቡክ አስተያየት መስጫ