ደቡብ ሱዳን ውስጥ ጎሣ የለየ ጥቃት መፈፀሙ ተገለፀ

ጁባ-ናይሮቢ-ዋሺንግተን ዲ.ሲ.-ኒው ዮርክ — 

የደቡብ ሱዳን መንግሥት ከዋና ከተማይቱ ጁባ በስተሰሜን ያለው የሃገሪቱ ግዛት ከቁጥጥሩ መውጣቱ ተገለፀ፡፡

በሃገሪቱ ጦር ኃይሎች ውስጥ የተባባሰው ውጊያ ሃገሪቱን ወደ በለጠ መከፋፈል ሊወስዳት እንደሚችል እየተሰጋ ነው ሲሆን አሁን ያለውን የሁከት ሁኔታ የሚሸሹ ሲቪሎች ቁጥር እየጨመረ መሆኑ ይሰማል፡፡

በሌላ በኩል ደግሞ ደቡብ ሱዳን ውስጥ ጎሣ የለየ ጥቃት እየተፈፀመ መሆኑንና በተለይ የሪያክ ማቻር የሆነው የኙዌር ጎሣ አባላት ዒላማ መደረጋቸውን የሰብዓዊ መብቶች ተሟጋቹ ሂዩማን ራይትስ ዋች አስታውቋል፡፡

ይህ በእንዲህ እንዳለ “ጁባ ላይ የቤተመንግሥት አብዮት” መካሄድ አለበት ሲሉ ተቃዋሚው የቀድሞ ምክትል ፕሬዚዳንት ሪያክ ማቻር የሳልቫ ኪር አስተዳደር እንዲወገድ እንደሚፈልጉ መናገራቸውን ከማቻር ጋር ቃለምልልስ ያካሄደው ራዲዮ ፍራንስ አንተርናስዮናል አመልክቷል፡፡

ይህ በእንዲህ እንዳለ ዋና ከተማይቱ ጁባ ውስጥ ያለው ሁኔታ በተወሰነ ደረጃ መረጋጋቱንና የተባበሩት መንግሥታት ድርጅት ሠራተኞች በመጠኑ መንቀሳቀስ የሚችሉበት ሁኔታ መፈጠሩን የመንግሥታቱ ድርጅት ቃል አቀባይ ፋራህ ሃቅ ተናግረዋል፡፡

ለዝርዝሩ የተያያዘውን የድምፅ ፋይል ያዳምጡ