ዋሺንግተን ዲሲ - አዲስ አበባ —
የኢትዮጵያ ምርጫ ቦርድ አንድነት ለዴሞክራሲና ለፍትህ እንዲሁም የመላ ኢትዮጵያ አንድነት ፓርቲ ውስጥ አለ የተባለውን ክፍፍል ተከትሎ በአቶ ትዕግስቱ አወሉና በአቶ አበባው መሃሪ ለሚመሩት ወገኖች ዕውቅና መስጠቱን ተከትሎ የቦርዱን ዋና ፀሐፊና የፅህፈት ቤቱን ዋና ኃላፊ አቶ ነጋ ዱፊሳን ለውይይት ጋብዘናል።
በርካታ አድማጮች ቦርዱ እርምጃውን ለመውሰድ ያለው ሕጋዊ ሥልጣን ምን እንደሆነ በመጠየቅ ውሳኔው የተቃዋሚ ፓርቲዎችን የሚያዳክምና ለገዥው ፓርቲ የሚያደላ ነው ሲሉ ተችተዋል።
በሌላ በኩል ፓርቲዎቹ በመካከላቸው የተፈጠረውን መከፋፋል በሰላም መፍታት ካልቻሉ ቦርዱ ቀደም ብሎ ከምርጫው ሂደት ማስወገዱ ተገቢ ነው በማለት የደገፉም አሉ።
አቶ ከአድማጮች ለቀረቡ ጥያቄዎች መልስ ሰጥተዋል፤ የተያያዘውን የድምፅ ፋይል ያዳምጡ፡፡