‘ለማዲባ ፀልዩ’

የፀረ-አፓርታይድ የነፃነት ትግል ፋና፣ የመጀመሪያው የደቡብ አፍሪካ ጥቁር ፕሬዚዳንትና የሰላም የኖቤል ተሸላሚው ኔልሰን ማንዴላ ትናንት ዕኩለ ሌሊት ላይ ወደሆስፒታል ተወስደው ሕክምና ተደርጎላቸዋል፡፡

ማንዴላ ከሕክምናው በኋላ የመሻል አዝማሚያ ያሣዩ መሆኑን የሃገሪቱ ፕሬዚዳንት ፅ/ቤት አስታውቋል፡፡

ሐኪሞቹም ሕክምናው እየሠራላቸው መሆኑን ሐኪሞቻቸው ገልፀው ማንዴላ በቅርብ ሕክምናና ክትትል ሥር እንደሚቆዩ ተናግረዋል፡፡

የፕሬዚዳንት ጃከብ ዙማ ቃል አቀባይ ማክ ማሃራጅ ለጋዜጠኞች በሰጡት መግለጫ ደቡብ አፍሪካዊያን ለማዲባ እንዲፀልዩ ጠይቀዋል፡፡

በተጨማሪም የዩናይትድ ስቴትስ ፕሬዚዳንት ባራክ ኦባማና የቤተ መንግሥታቸው ባልደረቦች ዛሬ ለኔልሰን ማንዴላ ደህንነት ፀሎት ማድረጋቸው ታውቋል፡፡

ዘገባውን ያዳምጡ፡፡