ዋሺንግተን ዲሲ —
በጁፒተር አካባቢ ያሉ ግዙፍ አለቶችን ወይም አስቴሮይዶችን ተፈጥሮና ይዘት ለመመርመር የታቀዱ የአሜሪካው ብሄራዊ የኤሮኖቲክስና የጠፈር አስተዳደር - ናሳ ተልዕኮዎች ከሆኑት አንደኛዋ መንኩራኩር በኢትዮጵያዪቱ “ድንቅነሽ” ስም ተሰይማለች።
“ሉሲ” ተብላ የምትጠራው መንኩራኩር ወደ ጁፒተር ምኅዋር የምትተኮሰው ከሁለት ዓመታት በኋላ መሆኑንና ከአራት ዓመታት የጠፈር ላይ ጉዞ በኋላ ከምትቃኛቸው አለቶች የመጀመሪያው ጋ እንደምትደርስ የናሳ ሳይንቲስቱና የጎዳርድ የበረራ ማዕከል አሶሺየት ዳይሬክተር ዶ/ር ብሩክ ላቀው ለአሜሪካ ድምፅ ገልፀዋል።
የ “ሉሲ” ቡድን አባላት ሰሞኑን ኢትዮጵያ ውስጥ በየክልሉ እየተዘዋወረች ላለችው “ሉሲ” ተልዕኮዋ የተሣካ እንዲሆን መልዕክታቸውን በትዊተር አስተላልፈውላታል።
የቡድኑ መሪም የፊታችን መስከረም ወደ ኢትዮጵያ ሄደው ንግግር እንዲያደርጉ ሁኔታዎችን ለማመቻቸት እየጣሩ መሆናቸውን ዶ/ር ብሩክ ላቀው ተናግረዋል።
ለተጨማሪ የተያያዘውን የድምፅ ፋይል ያዳምጡ።
