ዋሺንግተን ዲሲ —
ወደ ቻይና የተጓዘ አንድ የሰሜን ኮሪያ ከፍተኛ የልዑካን ቡድን ቤይጂንግን ለአጭር ጊዜ ጎበኘ፤ ይህም፣ ተነጥለው የሚገኙት የአገሪቱ መሪ ኪም ጆንግ ኡን፣ ከቻይና ባለሥልጣናት ጋር ዋና ከተማዋ ውስጥ እንደተገናኙ ጥርጣሬን አስነስቷል።
የዜና አውታሮች እንደዘገቡት፣ የሰሜን ኮሪያን የልዑካን ቡድን አባላት የጫነው ባቡር፣ ዛሬ ማክሰኞ ከሰዓት በኋላ ከፍተኛ የፀጥታ ጥበቃ ባለበት ሁኔታ ከቤይጂንግ ሲነሳ ታይቷል። ውስጡ እነማን እንዳሉ ግን በርግጥ የታወቀ ነገር የለም።
የሰሜን ኮሪያውን ባለሥልጣን ማንነት ለማወቅ ያለው ጥርጣሬ የተጀመረው ሰኞውኑ ሲሆን፣ ያም ፍንጭ የተገኘው ከጃፓን ቴሌቪዥል በታየ ምስል እንደሆነ ተነግሯል።
ለማንኝውም የሰሜን ኮሪያ ባለሥልጣናት ይህን መሰል ያልተለመደ ጉብኝት ወደ ቻይና አድርገው እንደማያውቁ አንድ ተንታኝ አስታውቀዋል።
የፌስቡክ አስተያየት መስጫ