የኢትዮጵያ ወታደሮች አሚሶምን ተቀላቀሉ

ዋሺንግተን ዲ.ሲ. - ናይሮቢ — 




የኢትዮጵያ ወታደሮች ሶማሊያ ውስጥ ከሚገኘው የአፍሪካ ኅብረት ሰላም አስከባሪ ኃይል - አሚሶም ጋር በይፋ ተቀላቀሉ፡፡

የኢትዮጵያ ከአሚሶም ጋር መቀላቀል ከአል-ሻባብ ጋር እየተፋለመ ላለው ኃይል ተጨማሪ አቅም ይሰጠዋል ተብሏል፡፡

ቀደም ባለው ጊዜም የአፍሪካው ሰላም ጥበቃ ጦር አካል አይሁኑ እንጂ የኢትዮጵያ ፀጥታ ኃይሎች በምዕራብ የሃገሪቱ ክፍሎች ያሉ አካባቢዎችን ከአል-ሻባብ ነፃ አድርገው በመቆጣጠር ቁልፍ ሚና መጫወታቸው ይታወቃል፡፡

በሌላ በኩል ደግሞ ይህ የኢትዮጵያ የአፍሪካ ኅብረትን ኃይል መቀላቀል ለአል-ሻባብ ማንሠራራት ዕድል ሊከፍት ይችላል የሚል ሥጋት እንዳላቸው በአካባቢው ላይ ሰፊ ዕውቀት ያላቸው አምባሣደር ዴቪድ ሺን ለቪኦኤ ገልፀዋል፡፡

ለዝርዝሩ የተያያዘውን የድምፅ ፋይል ያዳምጡ፡፡