“ከፍተኛ የምዕራባውያን ረድኤት በማግኘት ከቀዳሚው አገሮች ተርታ የምትሰለፈው ኢትዮጵያ ባለፉት 25 ዓመታት የተቀበለችው ከአርባ ቢልዮን ዶላር የእርዳታ ገንዘብ ሕዝቦቿን ከድህነት ማጥ አላወጣም” ያሉት ትውልደ-ኢትዮጵያውያን አሜሪካውያኑ ለአሜሪካ ድምጽ በሰጡት ቃል፤ “መፍትሔው ሁሉንም አሳታፊ የፖለቲካ ሥርዓት መፈጠር ነው” ሲሉ ይከራከራሉ።
ሰልፉን ያስተባበሩትንና ደብዳቤውን በመፈረም የተሳተፉ ቡድኖች በመወከል ደብዳቤውን ለዩናይትድ ስቴትስ የውጭ ጉዳይ ሚንስትር ጽ/ቤት ከሰጡት ዶ/ር አክሎግ ቢራራ ጋር የተካሄደውን ቃለ ምልልስ ከዚህ ያድምጡ።
የአሜሪካ ድምጽ የኢትዮጵያን መንግስት ምላሽ ለማግኘት ለዋሽንግተን ዲሲው የኢትዮጵያ ኤምባሲ ላቀረበው ጥያቄ በሰልፉ በቀጥታ የቀረበለት ጥያቄ ያለመኖሩን ጠቅሶ በአጠቃላይ በአገሪቱ ወቅታዊ ሁኔታ ላይ ለሚቀርቡ ጥያቄዎችግን ወደፊት ተልዕኮው መልስ ሊሰጥ የሚችል መሆኑን አመልክቷል።
