ጋዜጠኞችን ጨምሮ ስምንት ሰዎች ታሠሩ

አዲስ አበባ — 

አዲስ አበባ ውስጥ ፖሊስ ከትናንት በስተያና ትናንት ስምንት ጋዜጠኞችና ብሎገሮችን በቁጥጥር ሥር አውሏል፡፡

አብዛኞቹ ዞን-9 የሚባል ቡድን አባላት ናቸው ተብሏል፡፡

ይህ ዘገባ እስከተጠናቀረበት ጊዜ ድረስ የታሠሩት ሰዎች ከቤተሰብም ሆነ ከወዳጅ ዘመዶቻቸው ጋር እንዳልተገናኙ የቅርብ ምንጮች አመልክተዋል፡፡

ከስምንቱ ታሣሪዎች ሰባቱ የተያዙት ዓርብ - ሚያዝያ 17/2006 ዓ.ም በተመሣሣይ ጊዜ ማለትም ከምሽቱ ወደ 11 ሰዓት ተኩል አካባቢ እንደነበረ ታሣሪዎቹን በቅርብ የሚያውቋቸው ምንጮች ለቪኦኤ ገልፀዋል፡፡

የያንዳንዳቸው ቤት ተፈትሾ ካበቃ በኋላ ማዕከላዊ ወደሚባለው እሥር ቤት መወሰዳቸውን ምንጮቹ ተናግረዋል፡፡

ለዝርዝሩ የተያያዘውን የድምፅ ፋይል ያዳምጡ፡፡