ዋሺንግተን፤ ዲሲ —
ዶ/ር ስለሺ በቀለ /ሚኒስትር/
ታላቁ ኅዳሴ ግድብ /በከፊል/
የትረምፕ አስተዳደር የኢትዮጵያን፣ የግብፅንና የሱዳንን የውጭ ጉዳይ ሚኒስትሮች ለውይይት ወደ ዋሺንግተን ዲሲ ጋብዟል።
የጥሪው አጀንዳ የኅዳሴ ግድብ አሞላልና በዓባይ ውኃ አጠቃቀም ላይ በካይሮና በአዲስ አበባ መካከል አለ የሚባለው አለመግባባት መሆኑ ተገልጿል።
ስብሰባውን እንዲጠሩ ለፕሬዚዳንት ትረምፕ ጥሪ ያቀረቡት የግብፁ አብዱልፋታህ ኤል ሲሲ ናቸው።
ጉዳዩ በቴክኒክ ባለሙያዎች የተያዘ በመሆኑ ኢትዮጵያና ሱዳን የሦስተኛ ወገን አደራዳሪ በማስገባት ሃሳብ እንደማይስማሙ ለቪኦኤ በሰጡት ቃል የተናገሩት የኢትዮጵያ የውኃ፣ መስኖና ኢነርጂ ሚኒስትር ዶ/ር ስለሺ በቀለ ፕሬዚዳንት ትረምፕ የጋበዙት የውጭ ጉዳይ ሚኒስትሮችን መሆኑንና የድርድርም አለመሆኑን ተናግረዋል።
ለሙሉው ቃለ ምልልስ የተያያዘውን የድምፅ ፋይል ያዳምጡ።
የፌስቡክ አስተያየት መስጫ