በትምሕርት (ምርምርና ጥናት) የአንድ ሰው የዕድሜ ልክ ጉዞ።
በመምሕርነትና በትምሕርት ሥራ አመራር የሥራ መስኮች በቀድሞው የኢትዮጵያ የትምሕርት ሚንስቴር ሠርተዋል። ኋላም በተለያዩ የአፍሪቃ አገሮች የተባበሩት መንግስታት ድርጅት የትምሕርት ጉዳዮች አማካሪነት ለረዥም ዓመታት አገልግለዋል።
ዛሬ ደግሞ በጡረታ ዘመናቸው፤ ላለፉት በርካታ ዓመታት የለት-ተቀን ሥራቸው ባደረጉት የአንደኛና የሁለተኛ ደረጃ ትምሕርት ቤቶች የሥርዓተ-ትሕርት ቀረጻ ተጠምደው ይገኛሉ። ዶ/ር አያሌው ገብረስላሴ ይባላሉ።
ላለፉት በርካታ ዓመታት መኖሪያቸው ባደረጓት የምሥራቅ ዩናይትድ ስቴትሷ የአሌግዛንደሪያ ከተማ ከሚገኘው መኖሪያ ቤታቸው ጎራ ብለን ሥራቸውን፤ ለትምሕርት ብልጽግና እና ለነገው ሰው ቀና መንገዶች የታለመ ረዥም ጉዟቸውን ቃኘት አድርገናል። በአጫጭር ተከታታይ ክፍሎች የቀረቡትን የቃለ ምልልሱን የመጀመሪያ ሦሥት ክፍሎች ከዚህ ያድምጡ።
የፌስቡክ አስተያየት መስጫ