ዋሺንግተን፤ ዲሲ —
የሁለቱ እሰጥ አገባ በሦስት ዙሮች የሚካሄዱ ሲሆን የአሁኑ ምክትል ፕሬዚዳንት ማይክ ፔንስና የዴሞክራቲክ ፓርቲው ዕጩ ካማላ ሃሪስ አንድ ክርክር ይኖራቸዋል።
በየወገናቸው ዕጩዎቻቸውን አፅድቀው ያሳወቁት ሁለቱ ፓርቲዎች ባካሄዷቸው ያለፉ ጉባዔዎቻቸው ላይ ተቺዎችንና ተንታኞችን ጋብዘን አነጋግረናል።
የሰሜን ካሮልይና ዩኒቨርሲቲው የፖለቲካ ሳይንስ መምህርና የፉልብራይት ስኮላር ፕሮፌሰር ቡሩክ ኃይሉ የጉባዔዎቹን አጠቃላይ አካሄድ፣ ቅርፅና ይዘት ገምግመዋል። እንዲሁም “ትረምፕ በእውኑ የሰላም፣ የሥራ፣ የሥርዓትና የህግ ፕሬዚዳንት ናቸው” ብለው እንደሚያምኑ የሚናገሩት የኒው ዮርኩ አቶ ተድላ አስፋውም ለፕሬዚዳንቱ ያላቸውን ድጋፍ በገለፁበት ማብራሪያቸው በተቃራኒው በጆ ባይደን፣ በዴሞክራቲክ ፓርቲውና በዴሞክራቲክ ባለሥልጣናት ላይ ያላቸውን ትችትም አሰምተዋል።
የሁለቱም ግምገማዎችና አስተያየቶች ቀደም ሲል በራዲዮ ሥርጭቶቻችን የተደመጡ ቢሆንም ከዛሬው ክርክር በፊት ማገናዘቢያ ይኖርዎ ዘንድ ከተያያዙት የድምፅ ፋይሎች ሁለቱም በተናጠል የሰጧቸውን ትንታኔዎች እንዲያዳምጡ እንጋብዛለን።
