ዋሽንግተን ዲሲ —
ብርቱ የሚባሉትን ባለ ጸጋ አገሮች ጭምር እንዲህ ክፉኛ ያራደ ወረርሽኝ የጥድፊያ መዛመት ለመግታት በእርግጥ ምን ይሆን ማድረግ የሚቻለው?
እስካሁን በተለያዩ አገሮች የታዩት ሙከራዎች ባረጋገጡት ዕውነታ ለቫይረስሱ የተጋለጡ ሰዎች መኖራቸው በምርመራ በተረጋገጠ መጀመሪያዎቹ ቀናት፣ በወረርሽኙ የመጀመሪያ ደረጃ ወቅት መደረግ ሲገባቸው ያልተደረጉ አለያም ወሳኟ ሰዓት ያለፈባቸው እርምጃዎች የአደጋውን ጥናት ከሚወስኑ ጉዳዮች ቀዳሚዎቹ መሆናቸው ነው።
የቀናት ዕድሜ አመጡት የተባለው ፈተና ያስደምማል። ለኢትዮጵያም መሆን ያለበት በጊዜው ካልተፈጸመ እንዳይረፍድ ሥጋት መኖሩ ነው የተጠቆመው። ወረርሽኙን ለመዋጋት መጭው ቀናት ለኢትዮጵያ ወሳኝ መሆናቸውን በመጠቆም መንገድ ጠቋሚ ምክረ-ሃሳብ ያቀረቡ ባለሞያዎች ናቸው።ፕሮፌሰር ዳውድ ሰይድ ሲራጅ በዩናይትድ ስቴትሱ የዊስኮንሰን ዩኒቨርሲቲ የተላላፊ በሽታዎች ሕክምና ትምሕርት መምሕር እና ከዓለም አቀፍ ጉዞ ጋር የተዛመዱ የሕክምና ጉዳዮች ክትትል ዲሬክተር ናቸው።ዶ/ር ሶስና ከበደ የውስጥ ደዌ ሕክምና እና የሕብረተሰብ ጤና አጠባበቅ ባለሞያም ናቸው።
የፌስቡክ አስተያየት መስጫ