ቦስተን - ‘የሽብር ፈጠራ አድራጎት

ለሦስት ሰው ሕይወት መጥፋት እና ከመቶ በላይ ሰው መጎዳት ምክንያት የሆነውን በቦስተን ማራቶን ላይ ትናንት የደረሰውን የቦምብ ጥቃት የዩናትድ ስቴትስ ፌደራል የምርመራ ቢሮ ሙሉ በሙሉ ተረክቦ እየተከታተለ መሆኑ ተገልጿል፡፡

ጥቃቱን “የሽብር ፈጠራ አድራጎት ነው” ሲሉ ዛሬ የጠሩት የዩናይትድ ስቴትስ ፕሬዚዳንት ባራክ ኦባማ ተጠያቂዎችን ለፍርድ እንደሚያቀርቡም ዝተዋል፡፡
​
በጥቃቱ አንድ የስምንት ዓመት ልጅን ጨምሮ ሦስት ሰው መሞቱና 176 ሰው መቁሰሉ ታውቋል፡፡ 17 ሰው ከባድና አሣሣቢ ነው በሚባል ሁኔታ ላይ ይገኛል፡፡

በትላንቱ የቦስተን ማራቶን ውድድር የኢትዮጵያ አትሌቶች ተሣትፈው መሪ ውጤት ማስመዝገባቸው ይታወቃል።

በወንዶቹ አትሌት ሌሊሣ ዴሲሣ አንደኛ ሲወጣ በሴቶቹ መሠረት ኃይሉ በሁለተኝነት ፈፅማለች።

የድል ዜናው አስደሣች ቢሆንም የደረሰው አደጋ ደግሞ ሁሉንም አሣዝኗል፣ አሣስቧል፡፡

በአትሌቶቹ ላይ የተፈጠረ ችግር ካለ ከራሣቸው ለማጣራት ሞክረናል።

አትሊት ሌሊሳ ዴሲሳን ሰሎሞን ክፍሌ አነጋግሮታል