ከደቡብ ኢትዮጵያ ክልል ጋርዱላ እና አሌ ዞኖች የተመለመሉ ወጣቶች ለደን ምንጣሮ ሥራ ወደ ታላቁ ሕዳሴ ግድብ በመጓዝ ላይ ሳሉ፣ በአማራ ክልል ምሥራቅ ጎጃም ዞን ውስጥ እንደታገቱ ቤተሰቦቻቸው አስታውቀው ደኅንነታቸው እንዳሳሰባቸው ገልጸዋል።
ወጣቶቹ ባለፈው ሳምንት ሰኞ ለጉዞ መነሣታቸውን ያወሱት ቤተሰቦቻቸው፣ መታገታቸውን በማኅበራዊ የትስስር ገጾች ሲዘዋወር ባዩት አጭር ተንቀሳቃሽ ምስል እንደተረዱ ጠቁመዋል።
የጋርዱላ ዞን አስተዳዳሪ አቶ ብርሃኑ ኩናኖ ለደን ምንጣሮ ተብለው ከጋርዱላ ዞን ደራሼ እና አሌ ወረዳዎች የተወሰዱ 275 ወጣቶች መታገታቸውን ገልፀዋል።
የወጣቶቹን መታገት ያመኑት የጎጃም ፋኖ ዘመቻ መምሪያ ኃላፊ መሆናቸውን የገለፁት መቶ አለቃ አበበ፣ “ወጣቶቹ ለደን ምንጣሮ የሚንቀሳቀሱ ሳይሆኑ የመከላከያ ሰራዊት እና የሚሊሺያ አባላት ናቸው” ብለዋል።
ወጣቶቹ እንደታገቱበት የተገለጸውን የምሥራቅ ጎጃም ዞን አስተዳደር ባለሥልጣናትን ምላሽ ለማግኘት ያደረግነው ሙከራ፣ ስልካቸውን ስለማያነሡ ለማካተት አልተቻለም።
ዝርዝሩን ከተያያዘው ፋይል ይከታተሉ።
መድረክ / ፎረም