አጎአ አዲስ አበባ ላይ ይሰበሰባል

አዲስ አበባ - ዋሺንግተን ዲ.ሲ. — 





ዩናይትድ ስቴትስ ከሠሃራ በስተደቡብ ላሉ የአፍሪካ ሃገሮች የከፈተችው የዕድገትና የገበያ ተጠቃሚነት ዕድል - አጎአ 12ኛ ጉባዔ ሰሞኑን አዲስ አበባ ላይ ይጀመራል፡፡

አጎአ ከገበያ ዕድል በተጨማሪ ሌሎች የንግድ መሰናክሎችንም ማስወገድ እንዲችል አፍሪካዊያን ተሣታፊዎች እንደሚጠይቁ አንድ የአስተናጋጅዋ ሃገር ኢትዮጵያ ከፍተኛ ባለሥልጣን አስታውቀዋል፡፡

በጉባዔው ላይ በርካታ ተሣታፊዎች እንደሚገኙም የኢትዮጵያ የንግድ ሚኒስቴር የንግድ ግንኙነቶች ተደራዳሪ አቶ ገረመው አያሌው ለቪኦኤ ገልፀዋል፡፡

በሌላ በኩል ደግሞ ኢትዮጵያ ወደ አሜሪካ ገበያ በአጎአ የቀረጥና ታሪፍ ነፃ ስምምነት መሠረት የምትልከው ምርት መጨመሩን የዩናይትድ ስቴትስ የግንድ ወኪል ዩኤስዲአር አስታውቋል፡፡

አዲስ አበባ ላይ ከሚካሄደው የአጎአ ጉባዔ አስቀድሞ የዩናይትድ ስቴትስ የተለያዩ የሚኒስቴር መሥሪያ ቤቶች ረቡዕ፤ ሐምሌ 24/2005 ዓ.ም ዋሽንግተን ዲሲ ላይ በሰጡት ጋዜጣዊ መግለጫ አጎአ ዕድሉን ቢከፍትም ብዙ ሥራ እንደሚፈልግ ጠቁመዋል፡፡

ለዝርዝር የተያያዘውን የድምፅ ፋይል ያዳምጡ፡፡