የአፍሪካ ኅብረት ዋና ጸሐፊ ምርጫ በመጪው የካቲት ወር መጀመሪያ ይካሄዳል። በቦታው በተወዳዳሪነት የቀረቡት የቀድሞዉ የሞርሽዬስ ዉጭ ጉዳይ ሚኒስትር አኒ ገያን፣ እንደ አውሮፓውያን አቆጣጠር ከ2005 ዓ.ም. ጀምሮ የጅቡቲ ዉጭ ጉዳይ ሚኒስትር ኾነው በማገልገል ላይ የሚገኙት መሐሙድ አል ዩሱፍ፣ የቀድሞ የኬንያ ጠቅላይ ሚኒስትር ራይላ ኦዲንጋና የቀድሞ የማዳጋስካር ውጭ ጉዳይ ሚኒስትር ሪቻርድ ራንድርያ ናቸው። ባለፈዉ ቅዳሜ ምሽት በአዲስ አበባ የይምረጡኝ ዘመቻ የጀመሩት ራይላ ኦዲንጋ በአፍሪካ የሸቀጦችና የሰዎች ነፃ እንቅስቃሴ እንዲኖር እንደሚሠሩ ተናግረዋል። የጅቡቲ ውጭ ጉዳይ ሚኒስትር መሐሙድ አሊ ዩሱፍ በበኩላቸው፣ በኅብረቱ ብልሹ ላሉት አሠራር መፍትሄ ላይ እንደሚያተኩሩ ገልጸዋል። ዝርዝሩን ከተያያዘው ፋይል ይከታተሉ።