ከሁለት ሳምንት በፊት በሩሲያ እስር ቤት ውስጥ ህይወቱ ያለፈው የሩሲያው ተቃዋሚ መሪ አሌክሲ ናቫልኒ የቀብር ሥነስርዐት በከፍተኛ የፖሊስ ጥበቃ ሥር በሺዎች የሚቆጠሩ ሰዎች በተገኙበት ዛሬ ዓርብ ሞስኮ ውስጥ ተፈጸሟል፡፡
አስክሬኑን ወደ ቤተክርስቲያኑ ሲዘልቅ ከውጭ ይጠባበቁ የነበሩ ሰዎች በከፍተኛ ጭብጨባ በታጀበ ድምጽ “ናቫልኒ ናቫልኒ” በማለት ሲጮሁ ታይተዋል፡፡ የናልቫኒ ወላጆችና ሌሎች ሰዎች ከተከፈተው ሳጥን ውስጥ የነበረውን የናልቫኒን አስክሬን ሲደባብሱና ሲስሙ ተስተውለዋል፡፡
ከአጭር ጊዜ ከተካሄደው የቀብር ሥነ ሥርዓቱ በኋላ በሺዎች የሚቆጠሩ ሰዎች ከቤተክርስቲያኑ በመውጣት ሌላ ከፍተኛ የፖሊስ ኃይል ወደ ተሰማራበት የቦሪሶቮስኮይ መካነ መቃብር አምርተዋል፡፡
የሩሲያ ባለሥልጣናት እስካሁን የ47 ዓመቱ ናቫልኒ የሞተበትን ምክንያት አልገለጹም፡፡
መድረክ / ፎረም