በጋቦን ባለሥልጣናት መኖሪያ ቤቶች ጥሬ ገዘብ የታጨቀባቸው በርካታ ቦርሳዎች ተገኙ

በተለያዩ የጋቦን ባለሥልጣናት መኖሪያ ቤቶች ውስጥ ጥሬ ገንዘብ የታጨቀባቸው በርካታ ቦርሳና የእጅ ሻንጣዎች መገኘታቸውን ጋቦን 24 የተሰኘው የመንግሥት ቴሌቪዥን ትናንት ሐሙስ አሳይቷል።

ይህ የተከሰተው ፕሬዚዳንት አሊ ቦንጎን ከሥልጣን ያስወገዱት ወታደራዊ መሪዎች ሙሰኞች ናቸው ያሏቸውን የቀደሞ ባለሥልጣናት ለመወንጀል እየቀሰቀሱ ባሉበት ወቅት መሆኑ ተመልክቷል፡።

ወታደራዊ መሪዎቹ ከአደገኛ እጾች ዝውውር ጀምሮ በተለያዩ ክሶች ተጠያቂ ያደረጓቸውን በርካታ የቦንጎ ካባኔ አባላትን ከትናንት በስቲያ ረቡዕ አስረዋል።

ከታሳሪዎቹ መካከል የቦንጎ ልጅ ኑሪደን ቦንጎ ቫለንቲን እና የቀድሞ ካቢኔ ድሬክተር እንደሚገኙበት ተነግሯል።

ተጠቃሾቹ የተያዙት ከተያዘው ገንዘብ ጋር በተገናኘ ስለመሆኑ ግን ግልጽ አለመሆኑን ሮይተርስ ዘግቧል።