የአረብ ሊግ ሶሪያን በአባልነት ዳግም ለመቀበል ወሰነ

የአረብ ሊግ የውጭ ጉዳይ ሚኒስትሮች በዛሬው ዕለት ከአስር አመታት በኃላ ሶሪያን በአባልነት ለመቀበል የቀረበውን ውሳኔ ማፅደቃቸውን የሊጉ ቃል አቀባይ ገልጸዋል። ከፕሬዚዳንት ባሻር አል-አሳድ ጋር ያለውን ግንኙነት ወደ ወደነበረበት ለመመለስ የተጀመረውን ቀጠናዊ ግፊት ውሳኔው እንደሚያጠናክርም ተነግሯል ።

ውሳኔው የተላለፈው ካይሮ ውስጥ በሚገኘው የአረብ ሊግ ዋና መስሪያ ቤት በተደረገው የውጭ ጉዳይ ሚኒስትሮች ዝግ ስብሰባ ላይ መሆኑን የዋና ጸሀፊው ቃል አቀባይ ጋማል ሮሺዲ አክለዋል ።

በ 2011 የአውሮፓዊያኑ ዘመን ሶሪያ የአረብ ሊግ አባልነት የተቋረጠው በአሳድ ላይ በተደረጉ የጎዳና ላይ ህዝባዊ ተቃውሞ እንስቃሴዎች ላይ ደም አፋሳሽ እርምጃ በመውሰዱ ብሎም ወደ አውዳሚ የርስ በርስ ጦርነት ማምራቱን ተከትሎ ነበር ። በወቅቱ በርካታ የአረብ ሀገራት ልዑካኖቻቸውን ከደማስቆ አስወጥተዋል።

በቅርቡ፣ ሳዑዲ አረቢያ እና ግብፅን ጨምሮ በርካታ የአረብ ሀገራት ከሶሪያ ጋር የላቀ ስፍራ ስፍራ ባላቸው ጉብኝቶች እና ስብሰባዎች አማካይነት ግኑኝነታቸውን ማደስ ጀምረዋል ። ሆኖም ኳታርን ጨምሮ አንዳንድ አባል ሀገራት ፣ ለሶሪያ ውስጥ ግጭት ፖለቲካዊ መፍትሄ ባልተሰጠበት ሁኔታ ግንኙነቶችን ወደ ነበሩበት ሁኔታ መመለስን ይቃወማሉ ።

ዘገባው የሮይተርስ ነው።