ዛሬ ጠዋት የፌዴራል ከፍተኛው ፍርድ ቤት የቀረበው የፍትሕ መጽሔት ባለቤትና ማኔጂንግ ዳይሬክተር ተመስገን ደሳለኝ፣ “ከአንድ ዓመት በፊት በፍትሕ መጽሔት በወጡ ጹሑፎች ክስ ሊመሰረትብኝ አይገባም” የሚል መቃወሚያ ያቀረበ ሲሆን ችሎቱ ብይን ለመስጠት ለሐምሌ 26 ቀጥሯል፡፡

በሌላ ዜና፣ ፖሊስ “ሰው እየሞተ እንዴት ችግኝ ይተከላል” የሚል የቅስቀሳ ይዘት ያለው መልዕክት በማኅበራዊ ገጹ አስተላልፏል በሚል ጠርጥሬዋለሁ ብሎ የያዘው የ“አል ዐይን ኒውስ” ጋዜጠኛ አልአዛር ተረፈ ዛሬ ፍርድ ቤት ቀርቧል፡፡

ባለፈው ሐሙስ ሐምሌ ሰባት የተያዘው አልዓዛር፣ በማግስቱ ዓርብ ዕለት በአዲስ አበባ የመጀመሪያ ደረጃ ፍርድ ቤት ጉዳዩ ታይቶ በ5 ሺህ ብር ዋስ እንዲለቀቅ ተወስኖለት ነበር፡፡