“ይህ በአይዞን በኩል አንድ ላይ በህብራት እንዲላክ በሚል ነው እንጂ ቤተክርስቲያናቱ ከዚያ በፊት ለየብቻቸው የላኩት ከ500ሺ ዶላር በላይ ይደርሳል” ሲሉም በሰሜን አሜሪካ የዋሽንግተንና አካባቢው ሀገረ ስብከት ሊቀ ጳጳስ ብጹዕ አቡነ ፋኑኤል ለአሜሪካ ድምፅ ተናግረዋል፡፡
በኮቪድ-19 የተነሳ ወደ ቤተክርስቲያን የሚመጣው ምዕመን ባይቀንስ ኖሮ ከዚያም በላይ ሊላክ የሚችል መሆኑንም አቡነ ፋኑኤል ገልጸዋል፡፡
ዕርዳታውን ባለፈው ቅዳሜ ዋሽንግተን ዲሲ በሚገኘው የኢትዮጵያ ኤምባሲ ቀርበው ለአምባሳደር ፍጽም አረጋ ያስረከቡት አቡነ ፋኑኤል እርዳታውን ወደ ኢትዮጵያ የላኩትን 10 አብያተ ክርስቲያናትን ዝርዝር ከለገሱት የገንዘብ መጠን ጋር በመግለጽ አመስግነዋል፡፡