ዋሽንግተን ዲሲ —
“ተስተማሪ” የወጣቶችን የአስተሳሳብ ልቅና ለማሳደግ ፣ የፈጠራ አቅማቸውን የሚጨምሩ ስልጠናዎችን ለመስጠት የተቋቋመ አገልግሎት ነው። በአውታሩ ስር ከሚቀርቡ አገልግሎቶች አንዱ “የአዕምሮ ጥላ” የተሰኘው በበይነ መረብ ላይ የሚደመጥ መርሐ-ግብር ወይንም “ፖድካስት” ነው።
በመርሐ- ግብሩ ወጣቶችን ለተሻለ ውሳኔ ሰጪነት የሚያበቁ ሀሳቦች ይስተናገዳሉ።ወደ ሃያ የሚጠጉ ክፍሎች እስከአሁን የተደመጡበትን መርሐ-ግብር አዘጋጅተው በማቅረብ ላይ የሚገኙት አበባ ፋንታሁን እና ካርሎ ኤርቶላ ይባላሉ።
የወጣቶቹን ጅምር ፣የመጪ ዘመን ህልም ብሎም የእስከ አሁን እንቅስቃሴያቸውን ይዘት ለማወቅ ሀብታሙ ስዩም ከሁለቱ ወጣቶቹ ጋር አጭር ቆይታ አድርጓል።
