ዋሽንግተን ዲሲ —
ከሰሞኑ በነበረ የኢትዮጵያ የጸጥታ ባለስልጣናት ስብሰባ ላይ ፣ የድምጻዊ ሀጫሉ ሁንዴሳን ግድያ ተከትሎ በተፈጠው ግጭት እና ውጥረት ማግስት ተቋማቸው እየወሰደ ያለውን እርምጃ ከአስረዱት መካከል አንዷ የኢፌዲሪ ጠቅላይ አቃቢ ወ/ሮ አዳነች አበቤ ናቸው።
እሳቸው የመገናኛ ብዙሀንን በተመለከተ ተወሰደ ባሉት እርምጃ ውስጥ ስማቸውን ከጠቀሷቸው መካከል የአማራ ሳተላይት ራዲዮ እና ቴሌቭዥን በምህጻሩ አስራት አንዱ ነው።
ወ/ሮ አዳነች አስራት ቴሌቭዥን፣ የአሮሚያ ሚዲያ ኔትወርክ እና ድምጸ-ወያኔ የሚዲያ ተቋማት ህዝቦች እርስ በርሳቸው እንዲጠራጠሩ፣እንዲቃቃሩ እና እንዲጋጩ በሚያደርጉ የመረሣ ስርጭቶች ውስጥ መሳተፋቸውን በመጥቅስ ምርመራ እንደተጀመረባቸው እና መስሪያ ቤቶቻቸውም እንዲፈተሹ እንደተደረገ ተናግረዋል።
የአስራት ቦርድ ም/ሊቀመንበር የሆኑት አቶ ተፈሪ አድማሱ ግን ተቋማቸው ከተመሰረተበት ቀን ጀምሮ የሀገሪቱን የብሮድካስት ህግ አክብሮ ፣ ሙያዊ ስነ-ምግባርን ጠብቆ ሲሰራ እንደቆየ በማውሳት ከተጠቀሱት መገናኛ ብዙሃን ጋር አብሮ መከሰሱ ትክክል እንዳልሆነ ተሟግተዋል።
አስራት በገጠሙት እክሎች ምክንያት ከሁለት ሳምንታት በፊት ጀምሮ ስርጭት ማቆሙን በማስታወስም ፣ ከሰሞነኛው ውጥረት እና ግጭት ጋር ተገናኝቶ መወቀሱንም ተቃውመዋል።
ሙሉ ዘገባውን ያዳምጡ።
