መቐለ —
የቀድሞው ወታደራዊ መንግስት ደርግ ከስልጣን የተወገደበትን 24ተኛ ዓመት በአል ግንቦት 20’ን ተንተርሶ የትግራይ ክልላዊ መንግስት ባለፉት ዓመታት ውስጥ አስመዘገብኩ ያላቸውን ለውጦች ጠቅሶ መግለጫ አውጥቷል።
የክልሉ መንግስት በዛሬው እለት ይፋ ባደረገው በዚህ መግለጫው፥ በኢትዮጵያ በተለይ የዴሞክራስያዊ ስርዓት ግንባታ ከጊዜ ወደ ጊዜ እየተሻሻለ መምጣቱን ግንቦት 16 የተካሄደው ብሔራዊ ምርጫ ምሥክር ነው ብሏል።
መግለጫውን የተከታተለው ዘጋቢያችን ግርማይ ገብሩ በአካባቢው የሚንቀሳቀሰውን የተቃዋሚ ፓርቲ ዓረና-መድረክን ምላሽ አግኝቷል።
የህዝብ ግኑኝነት ሃላፊው አቶ ዓንዶም ገብረስላሴ በሰነዘሩት አስተያየት “ዘንድሮ የተካሄደው ምርጫ ይልቁንም በኢትዮጵያ ተጀምሮ የነበረውን የዴሞክራሲ ጭላንጭል ያጨለመ ነው፤” ብለውታል። ሙሉ ዘገባው ቀጥሎ ይቀርባል።
