ዋሽንግተን ዲሲ —
ከካናዳ ወደ ኢትዮጵያ ያቀናውን ፣የሎተሪ አሸናፊ ሚካኤል አጽብሃ ገብሩን ገድለዋል የተባሉ ሁለት ተጠርጣሪዎችን በቁጥጥር ስር ማዋሉን የአዲስ አበባ ከተማ ፖሊስ ኮሚሽን አስታወቁ፡፡የኮሚሽኑ የህዝብ ግንኙነት ሃላፊ ኮማንደር ፋሲካ ፋንታው ለአሜሪካ ድምጽ ራዲዮ እንዳስታወቁት በተመሳሳይ የኢትዮጵያ አየር መንገድ የሂሳብ ሰራተኛ የሆነችው ዕጸገነት አንተነህን በመግደል የተጠረጠሩ 3 ተጠርጣዎችም በቁጥጥር ስር መዋላቸውን ተናግረዋል፡፡
በመስቀል ዋዜማ በከተማዎ በተደረገ ድንገተኛ አሰሳ በርካታ ህገወጥ የጦር መሳሪያዎች እና ገንዘብ ለመያዝ መቻላቸውን ያከሉት ኮማንደር ፋሲካ ፣አልፎ አልፎ የሚደርሱ ወንጀሎች ቢከሰቱም አሁንም የከተማዎ ደህነት አስጊ ሁኔታ ላይ አለመሆኑን አስታውቀዋል፡፡
ሀብታሙ ስዩም የዚህን ዘገባ ዝርዝር ያስደምጠናል፡፡
የፌስቡክ አስተያየት መስጫ