ዋሽንግተን ዲሲ —
ዛሬ ዋሺንግተን ዲሲ በሚገኘው የኢትዮጵያ ኤምባሲ ከጋዜጠኞች ጋር በነበረ የጥያቄ እና መልስ መድረክ ላይ ነው የውጭ ጉዳይ ሚኒስትሩ ይሄንን የተናገሩት።የውጭ ጉዳይ ሚኒስትሩ ቀጣይ ርምጃ የሚሆነው የቴክኒክ ኮሜቴው አባላት ለስምምነት የመረጧቸውን ጉዳዮች ህጋዊ ቅርጽ እንዲኖራቸው ማድረግ እንደሆነም ጠቁመዋል።
በዚህ መድረክ ላይ የተገኙት የኢትዮጵያ የውሃ፣መስኖ እና ኢነርጂ ሚኒስትር ዶ/ር ስለሺ በቀለ በበኩላቸው ፣ ኢትዮጵያ ከ4-እስከ 7 ዓመት ባለው ጊዜ (እንደ ውሃ ፍሰቱ ሁኔታ) በመገንባት ላይ ያለችውን ግድብ በውሃ ትሞላለች ተብሎ እንደሚጠበቅ አስረድተዋል።
ከዚህ በተጨማሪ በመጪው ሁለት ዓመታት ውስጥ ኢትዮጵያ ከግድቡ "የኤሌክትሪክ ሃይል ማመንጨት ትጀምራለች" ብለዋል።
ሁለቱ ባለስልጣናት የአሁኑ ድርድር የኢትዮጵያን ሉዓላዊነት እና ጥቅም ያስጠበቀ መሆኑን ደጋግመው ከማንሳት አልፈው ለታችኛው የአባይ ተፋሰስ ሀገራት የሚኖረውን ጠቀሜታም አብራርተዋል።
አጠር ያለውን የድምጽ ዘገባ ያድምጡ:-
የፌስቡክ አስተያየት መስጫ