ዩናይትድ ስቴትስ በሶማሊያ የዘጋችውን የዕርዳታ ቋሚ ሚሽን ልትከፍት ነው

የዩኤስኤይድ እኤአ ከጥር አምስት 1991 ጀምሮ ተዘግቶ ቆይቷል።

ዩናይትድ ስቴትስ ከሶማሊያ ጋር ግንኙነቷን በይፋ ያላቋረጠች ቢሆንም በዚያች ሃገር እ ኤ አ በ1980ዎቹ ጀምሮ የተካሄደው የርስ በርስ ጦርነት በ ዘጠና አንድ ማዕከላዊ መንግሥቱ ማንኮታኮቱን ተከትሎ ኤምባሲዋን መዝጋቷ ይታወሳል።

ለሶማሊያ ህዝብ ሰብዓዊ ዕርዳታ የሚውል ወደ አንድ መቶ ሰማኒያ አምስት ሚሊዮን ዶላር የሚጠጋ ዕርዳታ መመደቡን ዩ ኤስ ኤድ ዛሬ ባወጣው መግለጫ አስታውቋል።

ሞቃዲሾ ውስጥ የዩ ኤስ ኤድ ሚሽን መከፈቱ ዩናይትድ ስቴትስ ከሶማሊያ ህዝብ ጋር ያላትን የልማት አጋርነት የሚያጠናክር ታላቅ ምዕራፍ ነው ብሏል መግለጫው።