በኢትዮጵያ የአስቸኩዋይ እርዳታ ፈላጊዎች ቁጥር ይጨምራል ተባለ

በኢትዮጵያ የዩናይትድ ስቴትስ አምባሳደር ፓትሪሺያ ሃስላክ በዚህ እየተጠናቀቀ ባለዉ የአዉሮፓዉን 2015 ዓም አገራቸዉ ለኢትዮጵያዉያን የ128 ሚሊዮን ዶላር ድጋፍ ማድረግዋን ተናግረዋል። ለኢትዮጵያ (Safety Net) ፕሮግራምም አገራቸዉ በያመቱ 100 ሚሊዮን ዶላር እየሰጠች መሆኑን ጨምረዉ ገልጸዋል።

(HRD) የሚባለዉ የሰብአዊ እርዳታ ሰነድ የፊታችን ታህሣሥ ወር በኢትዮጵያ መንግስት ይፋ ሲደረግ፣ የአስቸኩይ ጊዜ እርዳታ የሚያስፈልጋቸዉ ዜጎች ቁጥር መጨመሩን እንደሚያንጸባርቅ እንጠብቃለን ብለዋል። በዓለም ዙሪያ ሌሎች የእርዳታ ፍላጎቶች ስላሉ፣ የኢትዮጵያ መንግስት የእርዳታ ፈላጊዎችን ቁጥር በጊዜ ይፋ እንዲያደርግ ጠይቀዋል።