በኦሮምያና በኢትዮጵያ ሶማሌ ክልል አዋሳኝ ወረዳዎች ግጭት ዙሪያ ጠ/ሚ ኃይለማሪያም አስተያየት ሰጡ

በኦሮምያና በኢትዮጵያ ሶማሌ ክልሎች አዋሳኝ ወረዳዎች በታጣቂዎች ይፈፀማል የተባለውን ጥቃት ለማስቆም የሁለቱ ክልሎች መንግሥታት በጋራ እየሠሩ መሆናቸውን ጠቅላይ ሚኒስትር ኃይለማርያም ደሳለኝ አስታውቀዋል።

“ፌደራል መንግሥቱም የቅርብ ድጋፍ እያደረገ ነው” ብለዋል ጠቅላይ ሚኒስትሩ፡፡

በግጭቶቹና በጥቃቶቹ ውስጥ እጆቻቸውን አስገብተዋል የተባሉ የአመራር አባላት መኖራቸውንም አቶ ኃይለማርያም ተናግረዋል።

በኦሮምያና በኢትዮጵያ ሶማሌ ክልል አዋሳኝ ወረዳዎች የሚፈፀመውን ጥቃት በተመለከተ ጠ/ሚ ኃይለማሪያም አስተያየት ሲሰጡ የመጀመሪያው ነው፡፡

ሰሞኑን እየተከበረ ያለውን ዓለምቀፍ የሴቶች ቀን አስመልክቶ ከተለያዩ የሀገሪቷ አካባቢዎች ከመጡ 2 ሺሕ 5 መቶ ሴቶች ጋር በፅ/ቤታቸው የተወያዩት ጠ/ሚኒስትሩ ከቀረቡላቸው ጥያቄዎች አንዱ ይሄንኑ የታጣቂዎች ጥቃት መነሻ ያደረገ ነበር፡፡

ለተጨማሪ የተያያዘውን የድምፅ ፋይል ያዳምጡ፡፡

በኦሮምያና በኢትዮጵያ ሶማሌ ክልል አዋሳኝ ወረዳዎች ግጭት ዙሪያ ጠ/ሚ ኃይለማሪያም አስተያየት ሰጡ