የአውሮፓ ሕብረት ሀገሮችና የአፍሪቃ መሪዎች በስደተኞች ቀውስ መፍትሄ ለማግኘት ተሰብስበዋል

የአውሮፓ ሕብረት ሀገሮችና ያአፍሪቃ መሪዎች ለወቅቱ ያውሮፓ የፍልሰተኞች ቀውስ መፍትሄ ለማግኘት ቫሌታ (Valletta) በምትባል የማልታ ከተማ ተሰብስበዋል።

በማልታው ጉባዔ ላይ ከተገኙ ያፍሪካ መሪዎች መካከል የሱማልያው ጠቅላይ ሚኒስትር ዖማር አብዲራስሂድ ሻርማርኬ (Omar Abdirashid Sharmarke) አንዱ ናቸው።

ከቪኦኤ የሱማልኛው ቋንቋ አገልግሎት ጋር አጭር ቃለ ምልልስ አድርገዋል። ሻርማርኬ (Sharmarke) ጉባዔው ላይ ሊነሱ ስለሚችሉ ጉዳዮች እንዲህ ነበር ያሉት።

የአውሮፓ ሕብረት ሀገሮችና የአፍሪቃ መሪዎች በስደተኞች ቀውስ መፍትሄ ለማግኘት ተሰብስበዋል

“ለፍልሰት የሚያበቁ ዋነኛ ምክንያቶች ላይ እንነጋገራለን። ስለ ጦርነት፥ ስለ ግጭቶችና ስለ ድህነት እንወያያለን። የፍልሰተኞችን ሕይወት ማትረፍ ስለምንችልበትና ስለ ሕገ-ወጥና ሕጋዊ ስደተኞች ጉዳይም እንነጋገራለን። እንደ እውነቱ ከሆነማ ትክክለኛው ለፍልሰት የሚያበቁ ሁኔታዎች በሚገባ ይታወቃሉ። አንዱ ጦርነት ሲሆን ሌላው ድህነት ነው። ወጣቶች በሃገራቸው የተሻለ ምርጫ የማጣታቸው ጉዳይ ሌላው ነው። በየሃገሮቹ የሚታዩ የመልካም አስተዳደር እጦት እና የሙስና መንሰራፋትም ለፍልሰት ከሚያበቁ ጉዳዮች ውስጥ ይጠቀሳሉ። ጉዳዮቹ በደንብ የታወቁ ቢሆኑም በማልታው ጉባዔ ላይ ያፍሪካና ያውሮፓ መሪዎች ችግሮቹን ጥርት አርገው ለመወያየት እድል ያገኛሉ ብዬ አስባለሁ”ብለዋል።