የኬንያ ሙስሊሞች ክርስቲያኖችን ከአል ሻባብ ጥቃት ሸፈኑ

የኬንያ ሙስሊሞች ክርስቲያኖችን ከአል ሻባብ ጥቃት ሸፈኑ

የአልሸባብ ደጋፊዎች እንደሆኑ የሚታመን ጠብመንጃ አንጋቢዎች ባለፈው ሰኞ ከማንዴራ ወደ ናይሮቢ ያመራ የነበር የሕዝብ ማመላለሻ አውቶቡስ ማገታቸው ሙስሊም እና ክርስቲያን ተሣፋሪዎችን ለመለያየት ጥረት ማድረጋቸው ተዘግቧል።

ሙስሞቹ መንገደኞች ግን የጥቃት አድራሾቹን ትዕዛዝ አንቀበልም ብለው ክርስቲያኖቹ ለመለየት ፈቃደኛ እንዳልሆኑ ተዘግቧል፡፡

ከገደላችሁ ሁላችንንም ግደሉ ብለው አብረው ቆመዋል፡፡

ሙስሊሞቹ ሂጃብና ጥምጥሞቻቸውን ለክርስቲያኖቹ እየሰጡ ከጥቃት ለመከላከል ሞክረዋል፡፡

የናይሮቢ ነዋሪዎች ይህንን ኬንያዊያኑ ሙስሊሞች ማንዴራ አውራጃ ውስጥ የፈፀሙትን የፈፀሙትን ተግባር የጀግንነትና ኬንያዊ ምግባር ሲሉ አወድሰውታል፡፡

አል ሻባብ ባለፈውም ዓመት እዚያው ማንዴራ ውስጥ እንዲሁ አንድ የመንገደኞች አውቶቡስ ላይ ድንገተኛ አደጋ ጥለው ሙስሊም ያልሆኑ 28 ተሣፋሪዎችን ለይተው ካወጡ በኋላ ገድለዋቸዋል፡፡

ለተጨማሪ የተያያዘውን የድምፅ ፋይል ያዳምጡ፡፡