ዋሽንግተን ዲሲ —
የእስራኤል ወታደሮች ዛሬ ዓርብ በኃይል በተያዘው የምዕራብ ጋዛ ዳርቻ አካባቢ በሚገኝ የአውቶብስ ማቆሚያ ቢላ ይዞ ወደነሱ ሲሮጥ የነበረውን አንድ ፍልስጤማዊ መግደላቸውን የእስራል ጦር አስታወቀ፡፡
ፍልስጤማዊው እስራኤላውያኑ አይሁዶች ወደ ሰፈሩበት አቅራቢያ በመኪና በመምጣት ከመኪናው ውስጥ ቢላዋ ይዞ መውጣቱን በተደረገው የመጀመሪያ ምርመራ መጠቀሱን ሮይተርስ ዘግቧል፡፡
ከመኪናውም ከወጣ በኋላ አውቶብስ ጣቢያው አጠገብ ወደነበሩ ሰላማዊ ሰዎችና የእስራኤል መከላከያ ሰራዊት አባላት ቆመውበት ወደነበረበት ቦታ ሲያመራ እንደነበርም ተጠቅሷል፡፡
በዩናይትድ ስቴትስ ድጋፍ በፍልስጤምና እስራኤል መካከል ይደረግ የነበረው ድርድር እኤአ በ2014 ከተቋረጠ በኋላ፣ በምዕራብ ጋዛ ዳርቻ አካባቢ ያለው ውጥረት እየተባባሰ መምጣቱ ተመልክቷል፡፡