ሐረሪ ክልል ውስጥ የሚገኙ የተለያዩ ባንኮች 43 ቅርንጫፎች ለኮሪደር ልማት እንዲያዋጡ ተጠየቅን ያሉትን 2 ሚሊዮን ብር ባለመክፈላቸው ባንኮቹ ከተዘጉ ዘጠኝ ቀናት እንዳለፋቸው የኢትዮጵያ ባንኮች ማኅበር አስታወቀ። የባንኮች ማኅበሩ ዋና ጸሐፊ አቶ ደምሰው ካሳ፣ አንዳንዶቹ ባንኮች ግንባታቸው ባልተጠናቀቀ ሕንፃ ውስጥ መሥራታቸው እንደ ምንክኒያት ቢነገራቸውም፣ ዋናው ጉዳይ ግን ገንዘብ ባለማዋጣታቸው ነው ብለዋል።
Your browser doesn’t support HTML5
ሐረሪ ክልል ውስጥ ለዘጠኝ ቀናት የተዘጉ 43 የባንክ ቅርጫፎች እንዲከፈቱ ማኅበሩ ጠየቀ
ማኅበሩ ቅርንጫፍ ቢሮዎቹ እንዲከፈቱ ለክልሉ መንግሥት ያቀረበው ተደጋጋሚ ጥያቄ ምላሽ አለማግኘቱን ገልጾ አቤቱታውን ለብሔራዊ ባንክና ለገንዘብ ሚኒስቴር ማቅረቡን አስታውቋል። ክልሉ ባንኮቹ እንዲዘጉ የተወሰነው ባላለቁ ሕንፃዎች ላይ የተከፈቱ በመኾናቸው ነው ሲል በማኅበራዊ ትስስር ገጹ በአወጣው መግለጫ ገልጿል።