አሥራ ሦስት ሺህ ኢትዮጵያዊያን ተመልሰዋል፤ ሰልፎቹ እንደቀጠሉ ነው

አዲስ አበባ - ዋሺንግተን ዲ.ሲ. — 

ዋሽንግተን ዲ.ሲ ውስጥ ሰሞኑን ከተካሄዱት ሰልፎች አንዱ /ፎቶ - ኢትዮትዩብ/

አሥራ ሦስት ሺህ ኢትዮጵያዊያን ተመልሰዋል፤ ሰልፎቹ እንደቀጠሉ ነው

ወደ አሥራ ሦስት ሺህ የሚጠጉ ኢትዮጵያዊያን እስከአሁን ከሣዑዲ አረቢያ አዲስ አበባ መግባታቸውን የኢትዮጵያ የውጭ ጉዳይ ሚኒስቴር አስታውቋል፡፡

የለንደኑ ሰልፍ

ተመላሾቹን ለማቋቋም በፌደራል መንግሥቱና በክልል አስተዳደሮች የትብብር ሥራ እንደሚከናወንም መሥሪያ ቤቱ አመልክቷል፡፡

በሌላ በኩል ደግሞ ሳዑዲ አረቢያ ውስጥ በኢትዮጵያዊያን የሰብዓዊ መብቶች ረገጣ ተፈፅሟል የሚል ዜና ከወጣ ጀምሮ በተለያዩ የዓለም ክፍሎች የሚኖሩ ኢትዮጵያዊያን ድምፃቸውን እያሰሙ ነው፡፡

ከአውሮፓ ሰልፎች ከአንዱ ላይ የተወሰደ

ዛሬ፣ ሐሙስ፣ ኀዳር 12 / 2006 ዓ.ም ዋሽንግተን ዲሲ በሚገኘው የኢትዮጵያ ኤምባሲ ደጅና ጀርመን ዋና ከተማ በርሊን ውስጥ ደግሞ በሳዑዲ አረቢያ ኤምባሲ አጠገብ ሰልፎች ተደርገዋል፡፡

ባለፉ ጥቂት ቀናት ውስጥም በእንግሊዝ፣ በጣልያን፣ በአውስትራሊያ፤ ዩናይትድ ስቴትስ ውስጥ ደግሞ በዳላስ፣ በሎስ አንጀለስ እና በአትላንታ ከተሞች ተመሣሣይ ሰልፎች ተካሂደዋል፡፡

ከአውሮፓ ሰልፎች ከአንዱ ላይ የተወሰደ

በአውሮፓና በአሜሪካ ከተደረጉት ሠልፎች የአንዳንዶቹን አስተባባሪዎች ቪኦኤ አነጋግሯል፡፡

ለዝርዝሩ ከአዲስ አበባና ከዋሽንግተን ዲ.ሲ የተቀናበሩ ዘገባዎችን ያካተተውን የተያያዘውን የድምፅ ፋይል ያዳምጡ፡፡