የሰራዊቱ አባላት የነበሩ በርካታ ታሳሪዎች በይቅርታ እንዲለቀቁ ተወሰነ

የሰራዊቱ አባላት የነበሩ በርካታ ታሳሪዎች በይቅርታ እንዲለቀቁ ተወሰነ

ላለፉት አራት ዓመታት በእስር ላይ የቆዩ ከመቶ በላይ የሠራዊቱ አባላት የነበሩ የትግራይ ተወላጆ ወታደሮች እና መኮንኖች አዲሱን አመት ምክንያት በማድረግ በይቅርታ እንዲፈቱ መወሰኑን የኢትዮጵያ መከላከያ ሚኒስቴር አስታወቀ። ወታደሮቹና መኮንኖቹ በወታደራዊ ፍርድ ቤቶች እስከ ሞት ቅጣት የሚደርሱ ውሳኔዎች ተፈርዶባቸው በማረሚያ ቤት የቆዩ መሆናቸውንም የመከላከያ ሚንስቴር አመልክቷል።

ይቅርታ ቦርዱን ውሳኔ በመቀጠል እንዲለቀቁ የተወሰነው፣ መንግሥት በሰሜኑ የሃገራችን ክፍል የነበረውን ጦርነት ለማቆም በፕሪቶሪያ የተፈረመውን የሰላም ሥምምነት ይበልጥ ለማፅናት ቁርጠኛ በመሆኑ ነው ሲል የመከላከያ ሚኒስቴር አክሏል።