በብራስልስ ጸረ-ሽብር ዘመቻ ትምህርት ቤቶችና የባቡር ጣቢያዎች ተዘግተው ዋሉ

ብራስልስ ቤልጅም ውስጥ የሚገኙ ትምህርት ቤቶችና የባቡር ጣቢያዎች ዛሬ ማክሰኞ ዝግ ሆነው እንደሚውሉ ተገለጸ። እርምጃው፣ ባለሥልጣናት እአአ ባለፈው ኅዳር ፲፫ ቀን ፈረንሳይ ዋና ከተማ ፓሪስ ውስጥ ለደረሰው ጥቃት ቀንደኛ መሪ የሆነውን አሸባሪ ለማግኘት ፍለጋ ላይ በመሆናቸው ነው ተብሏል።

የቤልጅም ጠቅላይ ሚኒስትር ቻርልስ ሚሼል ትናንት ሰኞ ሲናገሩ፣ ጥቃት ለመፈጸም ሌላ ዛቻና ማስፈራሪያ በመኖሩ፣ ዋና ከተማዋ ቢያንስ እስከ ቀጣዩ ሳምንት ድረስ በለ የጥንቃቄ ደረጃ ውስጥ ትቆያለች ብለዋል።

አክለውም፣ አገሪቱ ወደ ሰላማዊ ሁኔታ መመለስ ስላለባት፣ ነገ ረቡዕ ህፃናት ትምህርታቸውን፣ የባቡር አገልግሎቱም ሥራውን ይጀምራሉ ብለዋል።