አዲስ አበባ ዩኒቨርሲቲ ዶ/ር መረራን አባረረ

አዲስ አበባ ዩኒቨርሲቲ

አዲስ አበባ ዩኒቨርሲቲ ዶ/ር መረራን አባረረ

ለሃያ ስምንት ዓመታት ካገለገሉበት ተቋም ያለአግባብ መባረራቸውን በአዲስ አበባ ዩኒቨርሲቲ የፖለቲካ ሣይንስ እና የዓለምአቀፍ ግንኙነት ትምህርት ክፍል ተባባሪ ፕሮፌሰር ዶክተር መረራ ጉዲና ተናገሩ።

ጉዳዩን ወደ ፍርድ ቤት እየወሰዱ መሆናቸውን የገለፁት የተቃዋሚ ፓርቲና መምህር ካለፈው ዓርብ ጀምሮ ከሥራ ውጭ መሆናቸውን ጠቁመዋል።

“ሁሉንም በእኩልነት እንደሚያድተናግድ የፖለቲካ ሥርዓት እስካልተፈጠረ ድረስ ዩኒቨርሲቲውም የነፃነት ደሴት ሊሆን አይችልም” ብለዋል ዶክተር መረራ ለአሜሪካ ድምፅ በሰጡት ቃለ-ምልልስ።

ዩኒቨርሲቲው ፕሮፌሰሩን የማባረር እርምጃ የወሰደበትን ምክንያት እንዲያስረዳ በተደጋጋሚ ያደረግነው ጥረት አልተሳካም።

ለዝርዝሩ የተያያዘውን የድምፅ ፋይል ያዳምጡ፡፡