በደቡብ ኢትዮጵያ ክልል ወላይታ ዞን የመንግሥት ሠራተኞች ደመወዝ ስለማይከፈላቸው አንዳንድ መምህራን የተማሩባቸውና ሲያገለግሉበት የነበረውን ሞያ ትተው በግብርና ሥራ መሰማራታቸውን ለአሜሪካ ድምፅ ተናገሩ::
በደቡብ ኢትዮጵያ ክልል ወላይታ ውስጥ በሚገኙ 21 ወረዳዎች ተቀጥረው በማገልገል ላይ የነበሩ የመንግሥት ሠራተኞች የወር ደሞዛቸው ለረዥም ጊዜ በመቁረጡ ለኢኮኖሚያዊ እና ማሕበራዊ ችግሮች ተጋለጣቸውን አስረድተዋል::
Your browser doesn’t support HTML5
በደቡብ ኢትዮጵያ ክልል ወላይታ ዞን የሰሩበትን ደመወዝ የተከለከሉ የመንግሥት ሠራተኞች ለኢኮኖሚያዊ እና ማህበራዊ ቀውስ መጋለጣቸው ተገለጸ
በዳሞት ወይዴ ወረዳ ብቻ ከ3ሺህ በላይ ሠራተኞች ለወራት ደመወዛቸው ባለመከፈሉ ቤተሰቦቻቸውን ማስተዳደር እንደተሳናቸውና ለከፍተኛ ችግር መዳረጋቸውን ዘርዝረዋል::
ከደሞዝ አለመከፈል ጋር በተያያዘ በዳሞት ወይዴ ወረዳ ያሉ አራት ጤና ጣቢያዎች እና አንድ ሆስፒታል በመሉ አቅሙ አገልግሎቶችን እየሰጡ አለመኾናቸው እና በዚህም የተነሳ የአከባቢው ማህበረሰብ የጤና እና ትምህርት አገልግሎቶችን የማግኘት መብት መጣሱን የኢትዮጵያ ሰብዓዊ መብቶች ኮሚሽን በትላትናው ዕለት ባወጣው ሪፖርት አስታውቋል::