የምንዛሬ ፓሊሲ ለውጡና የአምራች ኢንዱስትሪው ዘርፍ

የኢትዮጵያ መንግስት የውጭ ምንዛሬ በገበያው እንዲወሰን የፖሊሲ ለውጥ ካደረገ አንድ ወር ሁኖታል፡፡ ማሻሽያውን ተከትሎ ከቀደመው ጊዜ በተሻለ የውጭ ምንዛሬ ከባንኮች እያገኙ መሆኑን የተናገሩት የአሜሪካ ድምጽ ያናገራቸው በአምራች ኢንዱስትሪ ዘርፍ የተሰማሩ ባለሃብት በዘላቂነቱ ላይ ግን ስጋት አላቸው፡፡ እስካሁንም በፖሊሲ ለውጡ ምክንያት የደረሰባቸው ጉዳት እንደሌለ ተናግረዋል፡፡

የምንዛሬ ፓሊሲ ለውጡና የአምራች ኢንዱስትሪው ዘርፍ

በኢትዮጵያ ኢኮኖሚ ባለሙያዎች ማህበር ከፍተኛ የምጣኔ ሃብት ተመራማሪ የሆኑት ዶክተር አረጋ ሹመቴ በበኩላቸው ባለሃብቶቹ ለምርት ማቀነባበር የሚሆኑ ምርቶችን ቀደም ሲል ከውጭ የሚያስገቡት በጥቁር ገበያ ዋጋ እንደነበረ በመጥቀስ አሁን ባለው ዋጋ ብዙም ላይጎዱ ይችላሉ ይላሉ:;

ነገር ግን የምንዛሬ ዋጋው ከዚህ በላይ ካሻቀበ ምርቶቻቸውን ወደ ውጭ የሚሸጡበትና ለምርት ከውጭ የሚያስገቡት እቃ ዋጋ ልዩነት ስለሚራራቅ ምርታማ ሁነው ለመቀጠል መቸገራቸው አይቀርም ይላሉ::

ዝርዝሩን ከተያያዘው ድምጽ ይከታተሉ፡፡