የደራ ወረዳ የ12ኛ ክፍል ተፈታኝ ተማሪዎች ቤተሰቦች ልጆቻቸው እንዲመለሱላቸው ተማፀኑ

የ2016 ዓ.ም. የ12ኛ ክፍል መልቀቂያ አገር አቀፍ ፈተና ለመውሰድ፣ ከኦሮሚያ ክልል ሰሜን ሸዋ ዞን ደራ ወረዳ ወደ ሰላሌ ዩኒቨርሲቲ የተጓዙ ተማሪዎች፣ በጸጥታ ችግር ሳቢያ ከእንቅስቃሴ ታቅበው እንደሚገኙ የገለጹ የቤተሰብ አባላት፣ ልጆቻቸው እንዲመለሱላቸው ተማፅነዋል፡፡

ከፍቼ ወደ ደራ በሚወስደው መንገድ፣ የኦሮሞ ነጻነት ሠራዊት እና የፋኖ ታጣቂ ኀይሎች እንደሚንቀሳቀሱ ጠቅሰው አስተማማኝ ትራንስፖርት አለመኖሩን ያመለከቱት የተማሪዎቹ ቤተሰቦች፣ ለፈተናውም ሲሔዱ በመከላከያ ታጅበው እንደነበር አስረድተዋል፡፡

የደራ ወረዳ የ12ኛ ክፍል ተፈታኝ ተማሪዎች ቤተሰቦች ልጆቻቸው እንዲመለሱላቸው ተማፀኑ

የተማሪዎች ቤተሰቦች ባሰሙት አቤቱታ ላይ ከደራ ወረዳ፣ ከሰሜን ሸዋ ዞን አስተዳዳር፣ ከአኦሮሚያ ክልል ሰላም እና ጸጥታ ቢሮ፣ ከትምህርት ሚኒሰቴር እና ከፈተናዎች ኤጄንሲ መልስ ለማግኘት ያደረግነው ጥረት ለጊዜው አልተሳካም።

ዝርዝሩን ከተያያዘው የድምጽ ፋይል ይከታተሉ፡፡