ባህር ዳር —
በአማራ ክልል በጦርነቱና በጥቃት ምክንያት የደረሰውን ሰብዓዊና ቁሳዊ ጉዳት መልሶ ለማልማትና ድርቅን ለመከላከል ወደ 6 ቢሊዮን ብር የሚጠጋ የእርዳታ ሥምምነት ኤፍኤች ኢትዮጵያ ከተሰኘ ለጋሽ ድርጅት ጋር መፈራረሙን የክልሉ ገንዘብ ቢሮ አስታወቀ።
ከተባበሩት መንግሥታት የልማት ድርጅት /UNDP/እና ከህፃናት መርጃ ድርጅት /UNICEF/ በተለያየ እርዳታ ማግኘታቸውንም ዶ/ር ጥላሁን ማህሪ ለአሜሪካ ድምፅ ገልፀዋል።
በተጨማሪም በክልሉ ከሚንቀሳቀሱ 266 ግብረ ሰናይ ድርጅቶች ውስጥ 28ቱ የፕሮጀክት እቅድ ቀይረው ለተጎዱ ወገኖች የዓይነትና የቁሳቁስ ድጋፍ ማድረጋቸውን ዶ/ር ጥላሁን ተናግረዋል።
ዓለም አቀፍ ድርጅቶቹ በአማራ ክልል የደረሰውን ጉዳት እየተረዱ ነው ያሉት ኃላፊው የሚያስፈልገው ግን ከዚህ የበዛ ነው ብለዋል።