በምስራቅ ሐረርጌ ሁለት አብያተ ክርስቲያን እና የክርስትና እምነት ተከታይ መኖሪያ ቤቶች መቃጠላቸውን፣ በምዕራብ ሐረርጌ ደግሞ አንዲት ሴት መገደሏን እና መኖሪያ ቤቶች መቃጠላቸውን ነዋሪዎችና የኦርቶዶክስ ተዋህዶ ቤተክርቲያን አስተዳዳሪዎች ገልፀዋል። ጥቃቱ የተፈፀመው በቡድን በሚንቀሳቀሱ ወጣቶች መሆኑንም ገልፀዋል።
ዋሽንግተን ዲሲ —
የኢትዮጵያ ኦርቶዶክ ተዋሕዶ ቤተክርስቲያን ምልዓተ ጉባኤ ዛሬ ባደረገው አስቸኳይ ስብሰባ ከኦሮሚያ ክልል ፕሬዚዳንትና የካቢኔ አባላት ጋር አስቸኳይ ውይይት ለማድረግ መወሰናቸውን መንበረ ፓትርያርክ ለአሜሪካ ድምፅ አስታውቋል።
በሌላ በኩል የኦሮሚያ ፀጥታ ቢሮ ምክትል ኃላፊ ኮሎኔል አበበ ገረሱ አድራጎቱን አገር የማተራመስ አጀንዳ ያላቸው ሰዎች የሚፈፅሙት ነው፤ ከአገር የሚበልጥ ነገር ስለሌለም አገር እንዳትፈርስ ጠንክረን እንሰራለን” ብለዋል።
የጠቅላይ ሚኒስትር ጽሕፈት ቤት ደግሞ “መንግሥት የጉዳዩን አሳሳቢነት ተረድቶ ዘላቂ ሰላም ለማምጣት ሌት ተቀን እየሠራ ነው” ብለዋል። (ጽዮን ግርማ ያሰናዳችውን ዝርዝር ዘገባ ያዳምጡ)
Your browser doesn’t support HTML5
የምስራቅ ኦሮሚያ የቤተክርስቲያን ቃጠሎ