ሌሊሣ ዴሲሣ የቦስተን ወርቁን ለከተማው ሊያበረክት ወሰነ

አዲስ አበባ — 



የ2013 ዓ.ምን (እአአ) ቦስተን ማራቶን ያሸነፈው ኢትዮጵያዊው ሌሊሳ ዴሲሳ የተሸለመውን ሜዳሊያ በዕለቱ ለደረሰው የቦምብ ጥቃት ሰለባዎች ለመስጠት መወሰኑን አስታወቀ።

ለሊሣ ይህንን ውሣኔውን ይፋ ያደረገው አዲስ አበባ ላይ የዩናይትድ ስቴትስ የውጭ ጉዳይ ሚኒስትር ጆን ኬሪ በተገኙበት ሥነ ሥርዓት ላይ ነው፡፡

ለአፍሪቃ ኅብረት ሃምሣኛ ዓመት በዓል አዲስ አበባ የተገኙት ሚስተር ኬሪ የኢትዮጵያዊውን አትሌት ተግባር አወድሰዋል።

“ስፖርት የጦርነት መድረክ አይደለም” ብሏል ሌሊሣ ለቪኦኤ በሰጠው ቃል፡፡

በቦስተን ማራቶን በወንዶች አንደኛና ሦስተኛ፣ እንዲሁም በሴቶች ሁለተኛ ቦታን የተቆናጠጡት ኢትዮጵያዊያን አትሌቶች መሆናቸው ይታወቃል፡፡

ለተጨማሪና ዝርዝር መረጃ የያያዘውን የእስክንድር ፍሬውን ዘገባ ያዳምጡ፡፡