በተኩስ ልውውጥ በሰነበቱ የዐማራ ክልል አካባቢዎች ዛሬ አንጻራዊ ሰላም መኖሩ ተገለጸ

ይኹን እንጅ፣ መንግሥታዊ መዋቅሩ የማይንቀሳቀስባቸው፣ በደቡብ ወሎ ዞን ወግዲ እና መካነ ሰላም ከተሞች፣ የማዘጋጃ ቤት እና ሌሎች አገልግሎቶች እንደተስጓጎሉ መኾናቸውን፣ ነዋሪዎች ለአሜሪካ ድምፅ ገልጸዋል፡፡

ይህ በእንዲህ እንዳለ፣ ዛሬ ረቡዕ፣ በሰሜን ሸዋ ዞን አንጾኪያ ገምዛ ወረዳ መኮይ ከተማ አካባቢ፣ የተኩስ ልውውጥ እንደነበር፣ የአሜሪካ ድምፅ የመረጃ ምንጮች ተናግረዋል፡፡

በሌላ በኩል፣ የአስቸኳይ ጊዜ ዐዋጅ ጠቅላይ መምሪያ ዕዝ፣ ዛሬ ባወጣው መግለጫ፣ የክልሉን ዞኖች ከባሕር ዳር ከተማ፣ እንዲሁም ከዐዲስ አበባ ከተማ ጋራ የሚያገናኙና ተዘግተው የነበሩ ዋና ዋና መንገዶች እና መሥመሮች ተከፍተዋል፤ ብሏል።

ዝርዝር ዘገባውን ከተያያዘው ፋይል ይከታተሉ።