“ብረቷ ወይዘሮ” - ሕይወትና ትሩፋት

ለንደን — 

ማርጋሬት ታቸር

“ብረቷ ወይዘሮ” - ሕይወትና ትሩፋት

ሚስ ማርጋሬት ታቸር በግርማዊት ንግሥት ኤልሣቤጥ “እመቤት ሆይ” – “ባሮነስ” የሚል በእንግሊዝ ዘውዳዊ ሥርዓት የክብር ስያሜ ተሰጥቷቸዋል፡፡

ማርጋሬት ታቸር

እመቤት ሆይ ማርጋሬት ታቸር በፖለቲካ ሕይወታቸው ውስጥ እጅግ አነጋጋሪ ሰው ሆነው ነው ያለፉት፡፡

እአአ ከ1979 እስከ 1990 ዓ.ም በዘለቀው የመራኂ-መንግሥትነት ዘመናቸው በወግ አጥባቂው ፓርቲያቸው “ፀረ-ማኅበራት፣ መንግሥታዊ ቁጥጥር ጠል አመራር የእንግሊዝን ምጣኔ ኃብትና ኅብረተሰብ አቅጣጫና ሕይወት ለውጠዋል” እየተባለ ይወራላቸዋል፡፡
​

ማርጋሬት ሮበርትስ በ4 ዓመቷ ከስምንት ዓመት ዕድሜ እህቷ ምዩሪየል ጋር

ባሮነስ ማርጋሬት ታቸር፤ የአንድ ሸቀጣ ሸቀጥ መደብር ባለቤት ልጅ ማርጋሬት ሮበርትስ - እነሆ የእንግሊዝ የመጀመሪያዋ፣ እስከዛሬም ብቸኛዋ ሴት ጠቅላይ ሚኒስትር ትሆን ዘንድ አደገች፡፡

ኬሚስት ማርጋሪት ሮበርትስ ይህንን አሁን የምናውቀውን አይስ ክሪም ከፈጠሩ ሰዎች አንዷ እንደሆነች ያውቁ ኖሯል?

ጠቅላይ ሚኒስትር ማርጋሬት ታቸር መንግሥታቸውን እርሣቸው በሥልጣን ላይ ለቆዩባቸው ዓመታት ያህል ለረዘመ ጊዜ የተጓዙ በሃያኛው መቶ ክፍለዘመን ለእንግሊዝ ብቸኛዋ ናቸው፡፡

ማርጋሬት ታቸር

ወደጠቅላይ ሚኒስትርነቱ በዘለቁ ጊዜም ተስፋቸውን ሲናገሩ፡- “ምሥቅልቅል ባለበት የሠመረ መጣጣምን እናምጣ፣ ስህተት ባለበት ዕውነትን እናምጣ፣ መጠራጠር ባለበት ዕምነትን እናምጣ፣ ተስፋ መቁረጥ በነገሠበት፣ ተስፋን እንፈንጥቅ” ብለው ነበር፡፡

ማርጋሬት ታቸር

ይሁን እንጂ ማርጋሬት ታቸር በሦስት ተከታታይ የምርጫ ዘመናት አሸንፈው እንግሊዝን ሲያስተዳድሩ “ሠራተኞችን አግልለው፣ የጤናውን አገልግሎትና ጉዳት አምጭ አቅርቦቶችን ቁጥጥር አጥፍተው፣ የራሣቸውን ካቢኔም በአንዳንድ ጉዳዮች ላይ ከፋፍለው ጉልህ የሆነ ምሥቅልቅል ፈጥረዋል” እያሉ የሚተቹ የፖለቲካ አቃቂረኞች አሉ፡፡

ሙሽሪት ማርጋሬት ሮበርትስ፤ ዲሴምበር 13/1951 ዓ.ም ለዴኒስ ታቸር ተዳረች፡፡

የሰሜን አየርላንድን ታጣቂዎች “ሰጥ አድርገው ይዘዋል” የተባሉ፤ በፎክላንድ ደሴቶች ጉዳይ ውቅያኖስና ባሕሮች አቋርጠው ከአርጀንቲና ጋር ጦር የገጠሙ፣ እንግሊዝን የአውሮፓ ኅብረት አባል ያደረጉ፣ ዩሮንና ክፍት ድንበርን ግን የተቃወሙ ብዙ ሌሎችም ተግባራት --- ለጠቅላይ ሚኒስትር ማርጋሬት ታቸር በታሪክ ተፅፈው ይገኛሉ፡፡

ዘገባውን ከተያያዘው የድምፅ ፋይል ያዳምጡ፡፡


*** በነገራችን ላይ ዛሬ የዓለም መዝናኛ የሆነውን አይስ ክሪም እንዲህ ዛሬ እንደምንጠቀምበት እድርጋ የፈጠረችው አንዲት ማርጋሬት ሮበርትስ የምትባል ወጣት ኬሚስት እንደነበረች ያውቁ ኖሯል? ይህቺ “አይስክሪም ገርል” ነች በጊዜ ጉዞ ውስጥ ወደ “አይረን ሌዲ”ነት የተለወጠችው፡፡ ኬሚስት ሮበርትስ ዲሴምበር 13/1951 ዓ.ም ዴኒስ ታቸርን አገባችና ማርጋሬት ታቸር ሆነች፡፡ የመንትያ ወንድ ልጆች እናት፣ ሙዚቃ አፍቃሪና ፒያኖ ተጫዋች፣ የሕግ ባለሙያ፣ ፖለቲከኛ፣ የቤት እመቤትና ጠቅላይ ሚኒስትር፡፡ ***

ማርጋሬት ታቸር

Margaret Thatcher